Toshkent Avtomobil va yo’llar kasb-hunar kollejida 30 dan ortiq fan, kasbiy va sport to’garaklari faoliyat ko’rsatmoqda. Ushbu to’garaklarning 22 tasi fan va kasbiy, 8 tasi sport to’garaklaridan iborat. Mazkur to’garaklarga 33 dan ortiq o’quvchi jalb qilingan.

O’quv yurti rahbarining 2008-yil 19-dekabrdagi «Kollejda to’garak faoliyatini tashkil etish to’g’risida» gi buyrug’iga binoan to’garaklarning dasturi ishlab chiqildi. Har bir to’garak rahbarligi o’qituvchilarga 40 soat vaqt meyori belgilandi. O’qituvchi M.R.Baxranova to’garak ishlari bo’yicha mas’ul qilib belgilandi. To’garaklarni tashkil etishdagi yuqori ko’rsatkichlarga erishgan pedagog va ishlab chiqarish ustalarini moddiy hamda, ma`naviy rag’batlantirish tizimi joriy etildi.

Kollejda tashkil etilgan to’garak a`zolari kollej, shahar, Respublika miqyosida o’tkazilayotgan ko’rik tanlovlarida muvaffaqiyatlarga erishib, sovrinli o’rinlarni egallayotganlarini qayd etish lozim. Jumladan, «Uchqun» kasbiy to’garagini a`zosi K.Abdullayev to’garak rahbari, kollej pedagogi O.Karimov rahbarligida «Avtotransport vositalariga texnik xizmat ko’rsatish va ta`mirlash» ta`lim yo’nalishi bo’yicha «Kasb mahorati» Respublika tanlovida 1-o’rinni egallab, 1-darajali Diplom va televizor bilan mukofotlandi.

O’quv muassasidagi «Sport» to’garaklarining a`zolari ham shaxar, Respublika miqyosida o’tkazilib kelinayotgan musobaqalarda qatnashib, sovrinli o’rinlarni  egallab, turli darajadagi diplomlar bilan taqdirlanmoqdalar. Jumladan, N.Muhiddinov, B.Alimdjanov, A.Xozlov, M.Iskandrov, J.Xakimov, S.Mirsamiqov, D.Razimetovlar sport musobaqalarida muvaffaqiyatli ishtiroki va g’alabasi uchun diplomlar bilan mukofotlandilar.